Elon Mask səhmlərini satmağa davam edir

Dünyanın ən böyük elektrikli avtomobil istehsalçılarından olan “Tesla” şirkətinin təsisçisi Elon Mask səhm satışına davam edir. “Twitter”  sosial media hesabında sahibkar səhmlərinin 10%-ini satışa çıxaracağını hədəf göstərən Mask hədəfinə doğru irəliləyir.

Ötən gün 934 min 91 səhm satan Elon Mask yekun məbləğ olaraq 963.2 milyon dollar əldə edib. Ümumilikdə indiyə qədər Elon Mask 10.1 milyon “Tesla” səhmi satışı həyata keçirib. Bununla belə, 10%-lik məqsədə çatmaq üçün daha 7 milyon səhmin satılmasına ehtiyac var.

Məlumat üçün qeyd edək ki, 2003-cü ildə Kaliforniya ştatında yaradılan “Tesla” şirkəti hazırda elektromobil bazarının aparıcı qüvvələrindəndir və 1.01 trilyon dollarlıq bazar kapitalizasiyası ilə Trilyon Dollarlıq Şirkətlər Siyahısına daxil olan beşinci şirkət adını alıb.