Elon Musk OpenAI şirkətini məhkəməyə verib

3

Tesla və SpaceX-in baş direktoru Elon Musk, süni intellekt ChatGPT-nin yaradıcısı OpenAI və şirkətin baş direktoru Sam Altmana qarşı, bəşəriyyətin xeyrinə süni intellektin inkişaf etdirilməsi kimi təsis missiyalarını davam etdirmədiklərini iddia edərək məhkəməyə verib.

BBN.az bu barədə Bloomberg Türkiyə-yə istinadən xəbər verir.

San-Fransisko Məhkəməsinə verilən işin şikayət ərizəsində Altman və OpenAI həmtəsisçisi Greg Brockman-ın 2015-ci ildə Musk ilə əlaqə saxladıqları və “bəşəriyyətin xeyrinə” süni intellekt inkişaf etdirəcək qeyri-kommersiya laboratoriyası qurmağa razılaşdıqları iddia edildi”.

Müraciətdə iddia edilirdi ki, OpenAI öz internet saytında müqaviləsinin “süni intellektin bütün bəşəriyyət üçün faydalı olmasını təmin etmək üçün” olduğunu bəyan edib, lakin əslində OpenAI dünyanın ən böyük texnologiya şirkəti olan Microsoft-un törəmə şirkətinə çevrilib.

Müraciətdə şirkətin bəşəriyyətin xeyrinə deyil, Microsoft-un gəlirlərini maksimuma çatdırmaq üçün süni intellekt hazırladığı vurğulanıb və OpenAI-nin Microsoft-un mənfəətini maksimuma çatdırmağa diqqət yetirir və bunun da Elon Musk ilə razılaşdırılan müqavilə şərtlərinə uyğun olmadığı qeyd edilib.