Elon Musk Supercharger adlı şarj stansiyası şəbəkəsini genişləndirəcək

ABŞ-ın elektrik avtomobil istehsalçısı Tesla enerji doldurma stansiyalarının sayını artırmaq üçün hərəkətə keçib. Belə ki, Tesla-nın CEO-su Elon Musk, şirkətin Supercharger adlı şarj stansiyası şəbəkəsini 500 milyon dollar sərmayə ilə genişləndirəcəklərini açıqlayıb.

BBN.az xəbər verir ki, Musk mövzu ilə bağlı sosial media hesabından məlumat verib.

O, 2024-cü ildə bu minvalla minlərlə yeni şarj cihazı yaradacağını əlavə edib.

Xatırladaq ki, avtomobil istehsalçısı son zamanlar avtomobillərindəki qiymət endirimləri ilə gündəmə gəlib.