Əmək və Əhalinin Sosial Müdafiəsi Nazirliyində (ƏƏSMN) Mərkəzi Bankının nümayəndə heyəti ilə görüş təşkil olunub.
Nazirliyin nazir müavini Rəşad Mustafayev qurumun fəaliyyət istiqamətləri üzrə həyata keçirilən təhlil və tədqiqat işləri, həmçinin bu sahədə yaradılmış institusional mexanizmlər barədə məlumat verib. O, data əsaslı qərarların qəbuluna dəstək məqsədilə görülmüş işlərin əmək bazarının cari vəziyyətinin öyrənilməsi, gələcək trendlərin müəyyən olunması, aktiv məşğulluq tədbirlərinin təşkili və qanunvericiliyin təkmilləşdirilməsi prosesində əhəmiyyətini vurğulayıb.
Mərkəzi Bankın baş direktoru Vüqar Əhmədov isə qurumun təhlil və tədqiqat fəaliyyəti, eləcə də bu sahədə tətbiq olunan metodoloji yanaşmalar barədə məlumat verib.
Görüşdə tərəflər arasında maraq doğuran sahələr üzrə məlumat və təcrübə mübadiləsinin genişləndirilməsi, habelə birgə təhlil və tədqiqat layihələrinin həyata keçirilməsi barədə fikir mübadiləsi aparılıb.
