EY özünün Londonda ilk fintex laboratoriyasını açıb

Vergi, tranzaksiya və konsaltinq xidmətləri göstərən EY, Londonda özünün ilk “Fintex laboratoriyası”nı (Fintech lab) açıb.

BBN.az fintechtimes.com-a istinadən xəbər verir ki, yenilik start-uplar arasında gələcək əlaqəni təmin etməyə və maliyyə çətinliklərində həllər yaratmağa fokus olacaq.

Laboratoriya, maliyyə böhranları zamanı şirkətlər ilə əməkdaşlığa və dayanıqlı iqtisadiyyat üçün maliyyə yardımına və s. görə dizayn edilib. EY həmçinin ikinci bir habı 2023-cü ildə Edinburqda açmağı planlaşdırır.

Fintexlər, potensial investorlar, müştərilər, maliyyə xidmətləri göstərən şirkətlər, tənzimləyicilər və daha çoxu əlaqə üçün bu laboratoriyadan istifadə edə biləcəklər.

Böyük Britaniyanın EY şirkətində fintex bölməsinin rəhbəri olaraq çalışan Christopher Woolard isə açıqlamasında yeniliyin məqsədlərini izah edib və əlavə edib ki, fintex gələcəkdir: “Bizim Böyük Britaniyada fintex biznesini inkişaf etdirmək üçün aydın və daha məqsədli planlarımız var”.