“Facebook” 5.7 milyardlıq investisiya edib

Amerikan sosial media nəhəngi “Facebook” Hindistanlı milyarder Mukeş Ambaninin “Reliance Industries” holdinqinə daxil olan “Reliance Jio” telekommunikasiya şirkətinin səhmlərini satın alıb. Belə ki, bugün açıqlanan satınalma razılaşmasına əsasən, “Facebook” şirkəti 5.7 milyard dollar qarşılığında “Reliance Jio” şirkətinin səhmlərinin 9.9%-inə sahib olub.

3 il 6 ay əvvəl qurulan telekommunikasiya şirkəti Hindistanda 390 milyona yaxın abunəyə sahibdir. Bu satınalma nəticəsində “Facebook” “Whatsapp” xidmətinin vasitəsilə Hindistan kimi böyük əhaliyə malik olan ölkədə gəlirlərini böyük həcmdə artıra biləcək.