FED-in uçot faiz dərəcəsi ilə bağlı növbəti görüşü dekabrın 12-13-də olacaq

ABŞ Mərkəzi Bankının (FED) uçot faiz dərəcəsi ilə bağlı növbəti görüşü dekabrın 12-13-də olacaq.

BBN.az CNBC Business-ə istinadən xəbər verir ki, bu həftə FED-in növbəti qərarı üçün vacib olan – illik istehlakçı qiymət indeksi və istehsalçı qiymət indeksləri oktyabrda yarıya qədər azalıb.

Hazırda isə ölkədə uçot faiz dərəcəsi 5.50, inflyasiya isə 3.24%-dir. Ötən ay bu rəqəm 3.70%, keçən il isə 7.75% (hədəf 2%) olub. Rəqəmlər ona işarə edir ki, Mərkəzi Bank 2024-cü ilin sonuna qədər uçot faiz dərəcəsini yarıya qədər azaldacaq.

Bazar artıq açıqlanan müsbət rəqəmlərə reaksiya verir və belə bir gözlənti var ki, FED uçot faiz dərəcəsini aqressiv şəkildə azaltmağa başlayacaq. Ancaq bildirilir ki, Mərkəzi Bankın dekabrdakı iclasındakı qərarı dəyişkən ola bilər, çünki bu iclasa qədər daha 2 inflyasiya hesabatı açıqlanacaq.