ABŞ Federal Ehtiyat Sisteminin (FED) sədri Kevin Warş, Portuqaliyanın Sintra şəhərində keçirilən Avropa Mərkəzi Bankının illik forumunda çıxışı zamanı inflyasiya ilə bağlı qəti mövqe nümayiş etdirib.
Prezident Donald Trampın faiz dərəcələrinin azaldılması ilə bağlı çağırışlarına baxmayaraq, Warş FED-in 2%-lik inflyasiya hədəfinə sadiq qaldığını və bu hədəfdən güzəştə gedəcəyini gözləyən hər kəsi “məyus edəcəyini” vurğulayıb. Warşın sözlərinə görə, inflyasiya gözləntiləri son həftələrdə neft qiymətlərinin enməsi fonunda bir qədər azalsa da, qiymət sabitliyi hələ də prioritet olaraq qalır. Maraqlısı odur ki, yeni sədr bazarlara istiqamət verən “irəliyə dönük rəhbərlik” (forward guidance) təcrübəsindən imtina edəcəyini və qərarların yalnız növbəti iclaslarda müstəqil şəkildə veriləcəyini bəyan edib. Analitiklər Warşın bu yanaşmasını “şahin” (sərt pul siyasəti tərəfdarı) mövqe kimi qiymətləndirir və FED-in sentyabr ayında faiz artımına gedə biləcəyi ehtimallarını artırır.