“Meta” təkcə sosial şəbəkə deyilmiş! Şirkətin süni intellekt infrastrukturuna xərclədiyi milyardları pula çevirmək üçün bulud texnologiyaları (Cloud) bazarına daxil olacağı xəbəri (“Meta Compute” layihəsi) rəsmən bazarı silkələyib. Şirkətin öz İA gücünün və çiplərinin “artıq qalan” hissəsini kənar tərtibatçılara satmağı planlaşdırması investorlar tərəfindən böyük coşqu ilə qarşılanıb və xəbərdən dərhal sonra “Meta”nın səhmləri 8%-dən çox kəskin yüksəliş nümayiş etdirib.
Bu gözlənilməz gedişlə birbaşa Amazon (AWS), Microsoft (Azure) və Google Cloud kimi sənaye nəhənglərini hədifə alan “Meta”, eyni zamanda CoreWeave kimi bulud provayderlərini də ciddi təhlükə altına qoyur. Ekspertlər Markın əlindəki nəhəng resurslarla qiymət balansını tamamilə dəyişə biləcəyini və bu rəqabətin digər texnologiya nəhənglərinin gəlirlərinə ciddi mənfi təsir göstərəcəyini proqnozlaşdırırlar.