Goldman Sachs böyük işçi ixtisarına hazırlaşır

Goldman Sachs investisiya bankı biznesin zəifləməsindən dolayı böyük işçi ixtisarına hazırlaşır.

BBN.az BBC Business-ə istinadən xəbər verir ki, ixtisar bankın qlobal işçi qüvvəsinin 8%-ə, yaxud təxminən 4.000 nəfərə qədər işçisinə təsir edəcək. 

İxtisarların növbəti ildən başlayacağı güman edilir, ancaq investisiya bankından isə məsələ ilə bağlı vəziyyəti şərh etmək istəməyiblər. 

Lakin bankın CEO-su David Solomon isə son aylarda iqtsadi hesabatlara diqqət ayırır və təkrar-təkrar deyir ki, müştərilər daha ayıq olub və mühit onları qiymət azalmalarına baxmağa sövq edir. 

Goldman-ın 2022-ci ilin 9 ayında mənfəəti 20% enib, 2021-ci ildə isə əksinə biznesi özünün ən yaxşı dövrlərini yaşayırdı. Gəlirlərdə də kəskin enmə müşahidə edilir.

Qeyd edək ki, dünya miqyasında bankın təxminən 49.000-ə yaxın işçisi var və ilin əvvəlindən isə artıq yüzlərlə iş yerini ixtisar edib.