“Google” və “Apple” yeni nəsil süni intellekt üzərində əməkdaşlıq edəcəklər

“Google” və “Apple” şirkətləri uzunmüddətli əməkdaşlığı elan edən birgə bəyanat yayıblar.

BBN.az xəbər verir ki,  bəyanatda bildirilirdi ki, bu tərəfdaşlığın bir hissəsi olaraq, Apple-ın növbəti nəsil “Apple Foundation Models”i Google-ın “Gemini” süni intellekt modeli və bulud hesablama infrastrukturu üzərində qurulacaq.

Bu modellərin gələcək “Apple Intelligence” xüsusiyyətlərini, o cümlədən bu ilin sonlarında daha fərdiləşdirilmiş Siri funksiyasını gücləndirəcəyi deyilir.

Bu xəbərdən sonra Google-ın ana şirkəti olan Alphabet-in bazar dəyəri qısa müddətə 4 trilyon dollar həddini keçdi.

Beləliklə, Alphabet, Nvidia, Microsoft və Apple-dan sonra bu bazar kapitallaşmasına çatan dördüncü şirkət oldu.