“Gümüşü İrs” intellektual turniri keçirilib

DOST İnklüziv İnkişaf və Yaradıcılıq Mərkəzində Ulu Öndər Heydər Əliyevin 100 illiyinə həsr olunmuş “Gümüşü İrs” intellektual turniri keçirilib.

“Nə? Harada? Nə zaman?” formatında baş tutan yarışda DOST Agentliyinin “Gümüşü DOST” altproqramının pensiyaçı könüllüləri ilə yanaşı, Sosial Xidmətlər Agentliyinin Ahıl şəxslər üçün sosial xidmət müəssisəsinin sakinləri də komanda formasında mübarizə aparıblar. Turnirin qalibləri simvolik hədiyyələrlə mükafatlandırılıblar.

Daha sonra tədbir bədii hissə ilə davam edib. Ahıl şəxslərlə birlikdə keramika master klassı təşkil olunub, həmçinin musiqi və bədii qiraət istiqamətində çıxışlar dinlənilib.

Qeyd edək ki, “Gümüşü İrs” intellektual turniri DOST Agentliyinin “Könüllü DOST” proqramının təşkilatçılığı, Sosial Xidmətlər Agentliyinin və DOST İnklüziv İnkişaf və Yaradıcılıq Mərkəzinin tərəfdaşlığı ilə baş tutub.