Honq-Konq birjasının əsas indeksi “Hang Seng” ticarətin bağlanışına yaxın 1,17% (309,64 bənd) azalaraq 26 149,31 bəndə düşüb. Birjanın məlumatına görə, indeks ardıcıl ikinci gündür geriləmə nümayiş etdirir.
Digər əsas indekslərdə də azalma müşahidə olunub. Materik Çində fəaliyyət göstərən şirkətlərin səhmlərini əhatə edən “Hang Seng China Enterprises” indeksi 99,41 bənd və ya 1,09% azalaraq 9 039,34 bəndə enib.
Eyni zamanda, 30 iri texnologiya şirkətinin səhmlərini özündə birləşdirən “Hang Seng Tech” indeksi də 60,18 bənd və ya 1,05% azalaraq 5 678,34 bənd təşkil edib.
Birja brokerlərinin fikrincə, fond bazarındakı geriləməyə ABŞ-nin Venesuelaya hücumu ilə bağlı yaranan geosiyasi qeyri-müəyyənlik, eləcə də Çinin Yaponiyaya qarşı sanksiyaları sərtləşdirməsi təsir göstərir.
Qeyd olunur ki, Pekin hərbi məqsədlər üçün istifadə oluna bilən ikili təyinatlı məhsulların ixracını qadağan edib, bu da regional bazarlarda risk iştahasının azalmasına səbəb olub.
