Yaxın Şərqdə ABŞ-İsrail-İran qarşıdurmasının genişlənməsi fonunda neft qiymətləri Asiya sessiyasında yenidən kəskin bahalaşıb.
Brent Crude Oil – 82.21$ (+1%)
West Texas Intermediate – 75.07$ (+0.7%)
Hər iki etalon son iki gündə təxminən 5% yüksəlib. Brent qısa müddətdə 85$-ı keçərək 2024-cü ilin iyulundan bəri ən yüksək səviyyəni görüb. İran Hörmüz boğazından keçən tankerləri hədəf ala biləcəyini bildirib. Qlobal neft daşımalarının təxminən 20%-i bu strateji marşrutdan keçir.
Risk altında olan əsas ixracatçılar:
- Səudiyyə Ərəbistanı
- İraq
- BƏƏ
Məlumatlara görə, İraqın ən böyük yataqlarından biri olan Rumaila oil field və West Qurna 2-də gündəlik 1.2 milyon barel hasilat dayandırılıb. ABŞ prezidenti Donald Trump bildirib ki, lazım gələrsə ABŞ donanması Hörmüz boğazında kommersiya gəmilərini müşayiət edəcək.
Bu açıqlama bazarda qismən sakitlik yaratsa da, sığorta şirkətləri artıq müharibə risklərini əhatə edən təminatları ləğv etməyə başlayıb. Müharibə uzandıqca qiymətlərdə “geosiyasi risk premiumu” qalacağı istisna edilmir. Ekspertlər hesab edir ki, enerji qiymətlərinin artımı qlobal inflyasiyanı yenidən alovlandıra bilər. Bu isə mərkəzi bankların faiz endirim planlarını gecikdirə bilər.
