“HSBC” rekord mənfəət əldə edib

Avropanın ən böyük bankı olan “HSBC” bank ötən ilin dördüncü rübünə olan maliyyə hesabatlarını açıqlayıb. Hesabata istinadən, Böyük Britaniya mərkəzli bank dördüncü rübdə mənfəət göstəricilərində rekord artıma nail olub.

Belə ki, bank 2021-ci ilin dördüncü rübündə 1.79 milyard dollar xalis mənfəət əldə edib. Bu göstərici 2020-ci ilin son rübü (562 milyon dollar) ilə müqayisədə 3 dəfədən çox artım deməkdir. 

Bankın sözügedən rüb üzrə xalis gəlir göstəricisi 3.9 milyard dollarlıq artımla 12.6 milyard dollar səviyyəsində qərarlaşıb.

Bankın icraçı direktorunun açıqlamasına əsasən, göstəricilərin müsbət yöndə artımının əsas səbəbi koronavirus pandemiyasının qismən də olsa səngiməsi və qlobal iqtisadiyyatın stabilləşməsidir.