İngiltərə Mərkəzi Bankının son qərarından sonra, funt sterlinq kəskin azalıb

İngiltərə Mərkəzi Bankının (Bank of England) faiz dərəcələrini 2.25-dən 3-ə yüksəltdikdən sonra, ölkənin pul vahidi funt sterlinq ABŞ dollarına qarşı 2% enib və 1.117 olub. Məzənnə, həmçinin, avroya qarşı nisbətdə də enib, 1.2%.

BBN.az CNN Business nəşrinə istinadən xəbər verir ki, Bank of England-ın son iclasına qədər ölkənin maliyyə bazarları gözlənilməz çaşqınlıq içində idi, iqtisadiyyat ilə bağlı hesabatlar isə pis nəticələrin olduğunu nümayiş etdirirdi. 

Qeyd edək ki, sentyabrda sabiq Baş nazir Liz Truss maliyyələşdirilməmiş “mini büdcə” layihəsini təqdim etmişdi, bu 45 milyard funt sterlinq, yaxud 51.6 milyard dollar vergi endirimləri sözü idi. Bu zaman funt sterlinq kəskin enmişdi, istiqraz və ipoteka mənzil bazarı çökmüşdü.