İnkişaf etmiş ölkələrdə işsizlik nisbətləri artıb

Beynəlxalq kredit reytinq agentliyi Fitch Ratings, son 6 ayda bir çox böyük inkişaf etmiş ölkələrdə işsizlik nisbətlərinin yüksəldiyini bildirdi.

BBN.az Fitch Ratings tərəfindən verilən açıqlamaya istinadən xəbər verir ki, işsizlik nisbətləri tarixi standartlara görə aşağı səviyyədə qalmağa davam etsə də, əmək bazarı şərtlərinin zəifləməsi əmək haqqı inflyasiyası üzərində müəyyən təzyiqlər yaratmağa başlayıb.

ABŞ, İngiltərə, Kanada, Almaniya, Avstraliya və İsveçrə kimi iqtisadiyyatı inkişaf etmiş ölkələrdə işsizlik nisbətinin artdığı diqqətə çatdırılıb.