ABŞ-da istiqraz bazarı Federal Ehtiyat Sisteminin (FED) hazırkı monetar siyasətini açıq şəkildə sorğulayır. Aprel ayı üzrə istehlak qiymətləri indeksinin (CPI) 3,8 faizə yüksələrək 2023-cü ilin mayından bəri ən yüksək həddə çatması və enerji qiymətlərinin bu artıma 40 faizdən çox töhfə verməsi investorları ciddi narahat edib. Ekspertlərin fikrincə, bazardakı bu reaksiya FED-ə verilən səssiz bir ultimatumdur: “Mövcud faiz dərəcələri (3,50%–3,75%) yüksək inflyasiya təzyiqini dayandırmaq üçün yetərli deyil”.
Yeni sədr Kevin Uorşun rəhbərliyi altında FED hazırda iki od arasında qalıb. Administrasiya iqtisadi artımı stimullaşdırmaq üçün faizlərin aşağı salınmasını tələb etsə də, komitə daxilindəki “şahin” qanad inflyasiyanın kök salmasından ehtiyat edərək, əksinə, faiz artımının zəruri ola biləcəyini müzakirə edir. Aprel ayı iclasında qeydə alınan və 1992-ci ildən bəri ilk dəfə müşahidə olunan dörd səs fərqi (dissents) FED daxilindəki parçalanmanı və qərar qəbul etmə çətinliyini aşkar edir. İstiqraz bazarı isə bu qeyri-müəyyənliyi qiymətləndirərək, yaxın aylarda faiz endirimi ehtimalını minimuma endirib. Bazarlar artıq FED-in “yumşalma” siyasətindən uzaqlaşdığını və inflyasiya ilə mübarizədə daha sərt addımlar atmaq məcburiyyətində qalacağını proqnozlaşdırır.