“Kanada Ərzaq Qiymət Hesabatı 2023”: “5-7% artım gözlənilir”

Kanadanın ərzaq banklarının birindən deyiblər ki, son zamanların ən yüksək tələbi ilə üz-üzədirlər. BBN.az Kanadanın CBC TV kanalına istinadən xəbər verir ki, ölkənin “Ərzaq Qiymət Hesabatı 2023”də proqnoz edilib ki, ərzağın qiymətlərində 5-7% artım olacaq.

2023-cü ildə ən çox artım isə tərəvəzlər, süd və süd məhsulları və ətdə qeydə alınıb. Ekspertlər isə bildirirlər ki, inflyasiya aşağı ensə də ərzğın qiymətləri yüksək qalmağa davam edir. Buna hökumətin edə biləcəyi bir həll yoxdur və Ukrayna müharibəsi, ABŞ-da quraqlıqdan dolayı kənd təsərrüfatına dəyən zərbə və s. kimi qlobal problemlər ilə bağlıdır. Qeyd edilir ki, ölkədə qiymətlərin yüksəlməsindən dolayı ərzaq şirkətləri 5.2 milyard dollar əlavə gəlir əldə ediblər.