KOBİA yeni məhsul istehsalını dəstəkləyir

“İmprotex Group”un “İmprotex İndustries” zavodunda yeni məhsul – tentli yarımqoşqunun istehsalına başlanılıb. 

Bununla bağlı keçirilmiş təqdimat tədbirində çıxış edən Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov yeni məhsul istehsalının ölkə sənayesi, yükdaşıma və nəqliyyat sektorlarının inkişafı, məşğulluğun təmin olunması baxımından önəmini qeyd edib. Bildirilib ki, KOBİA yeni məhsul istehsalını və innovativ sahibkarlığın inkişafını daim dəstəkləyir. Belə ki, Agentlik malik olduğu dəstək mexanizmləri, xidmətlər və resurslar ilə hər zaman yerli sahibkarların ehtiyaclarını qarşılamağa çalışır. Bu müəssisənin də fəaliyyətinin genişləndirilməsi və ixrac potensialının artırılması istiqamətində zəruri dəstək təmin olunacaqdır.