“Kredaqro” BOKT MMC-nin istiqrazlarının yerləşdirilməsi üzrə hərrac keçiriləcəkdir

4

10 oktyabr 2023-cü il tarixində Bakı Fond Birjasının (BFB) Listinq Komitəsinin qərarı ilə “Kredaqro” BOKT MMC-nin ümumi dəyəri 500 000 (beş yüz min) manat olan AZ2005009165 ISIN-li və ümumi dəyəri 500 000 (beş yüz min) manat olan AZ2004009166 ISIN-li istiqrazları standart bazar seqmentində listinqə daxil edilmişdir.

12 oktyabr 2023-cü il tarixində “Kredaqro” BOKT MMC istiqrazlarının yerləşdirilməsi birqiymətli hərrac üsulu ilə Bakı Fond Birjasında həyata keçiriləcəkdir.

Yerləşdirmə üzrə anderrayter “Capital Partners İnvestisiya Şirkəti” QSC-dir.

İstiqrazların emissiya prospektini BFB-nin internet səhifəsində “Emitentlərin hesabatlılığı” (https://www.bfb.az/az/emitentler) bölməsindən əldə edə bilərsiniz.

İstiqrazlar üzrə məlumat aşağıdakı kimidir:

Dövlət qeydiyyat nömrəsi – İSİN	İstiqrazların növü və forması	İstiqrazların sayı	Nominal Dəyəri	Ticarətə buraxlma tarixi	İllik faiz dərəcəsi	Tədavül müddəti	Kupon faizlərinin ödəniş müddəti
AZ2005009165	Faizli, təmin edilməmiş sənədsiz adlı istiqrazlar	5,000 (ədəd)	100 manat	12.10.2023	14%	24 ay	dövri olaraq rübdə (90 gün) bir dəfə
AZ2004009166	Faizli, təmin edilməmiş sənədsiz adlı istiqrazlar	5,000 (ədəd)	100 manat	12.10.2023	14%	24 ay	dövri olaraq rübdə (90 gün) bir dəfə

Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” (https://www.bfb.az/az/baku-fond-birjasinin-uzvlerinin-siyahisi) bölməsində yerləşdirilmişdir.