Mərkəzi Bank sığorta sektorunun rəhbərləri ilə görüş keçirdi

Azərbaycan Respublikasının Mərkəzi Bankının sədrinin birinci müavini Əliyar Məmmədyarov sığorta sektorunun rəhbər şəxsləri ilə görüşüb.

Görüş zamanı cari ilin üçüncü rübü üzrə sığorta sektorunun fəaliyyət nəticələri, mövcud çağırışlar və sektorun davamlı inkişafına yönəlmiş təşəbbüslər müzakirə olunub.

Tədbirdə həmçinin qarşıdakı dövr üçün strateji hədəflər, sığorta əhatəliliyinin artırılması, eləcə də sektorda dayanıqlılıq prinsiplərinin tətbiqinin genişləndirilməsi ilə bağlı fikir mübadiləsi aparılıb.