![](https://bbn.az/wp-content/uploads/2024/05/Azerbaycan_Kredi_karti_570x90.png)
“Növbəti pul siyasəti qərarları qəbul etdikdə biz rüblük əsasda makroiqtisadi proqnozlarımızı yeniləyəcəyik”.
BBN.az xəbər verir ki bu sözləri Mərkəzi Bankın sədri Taleh Kazımov bu gün jurnalistlər üçün təşkil edilən mətbuat konfransında bildirib.
Onun sözlərinə görə növbəti aylarda proqnozlar inflyasiyanın il ərzində azalmasını göstərəcəksə biz öz pul siyasətimizin sərtləşdirmə mövqeyində pauza götürəcəyik. “Artıq yenilənmiş proqnozlara əsasən yumşaltma siyasətini nəzərdən keçirəcəyik”, – deyə sədr sözlərinə əlavə edib.
Qeyd edək ki, bu gün təşkil edilən mətbuat konfransı tənzimləyicinin faiz dəhlizinin parametrləri haqda növbəti dəyişikliyinə həsr edilmişdi. Bankın faiz dəhlizinin parametrləri haqda növbəti açıqlaması isə cari ilin martın 29-da baş tutacaq.