Azərbaycan Mərkəzi Bankı (AMB) “Delta Capital” MMC və “Zuhur” MMC-yə məxsus valyuta mübadiləsi məntəqələrinin lisenziyalarının qüvvəsini 1 ay müddətinə dayandırıb.
Qərar cari nəzarət tədbirləri nəticəsində aşkar edilmiş pozuntu halları ilə bağlı qəbul olunub. Belə ki, “Delta Capital” MMC-də icrası məcburi göstərişlərə əməl edilməməsi, “Valyuta mübadiləsi fəaliyyəti” ilə bağlı qaydaların bir sıra bəndlərinin və “Valyuta tənzimi haqqında” Qanunun tələblərinin təkrar pozulması müəyyən edilib. Bu səbəbdən quruma 08.12.2021-ci il tarixində verilmiş VMF-02 nömrəli lisenziyanın qüvvəsi 28 avqust 2025-ci il tarixindən etibarən 1 ay müddətinə dayandırılıb.
Oxşar pozuntu hallarına görə “Zuhur” MMC-yə 15.03.2022-ci ildə verilmiş VMF-03 nömrəli lisenziyanın da qüvvəsi 28 avqust 2025-ci il tarixindən etibarən 1 ay müddətinə dayandırılıb.
