Azərbaycan Respublikasının Mərkəzi Bankı tərəfindən maliyyə xidmətləri istehlakçılarının və investorların hüquqlarının müdafiəsinin möhkəmləndirilməsi istiqamətində tədbirlər davam etdirilir. Bu çərçivədə növbəti təşəbbüs 30 oktyabr tarixində Salyan rayonunda vətəndaşların səyyar qəbulunun keçirilməsi olub.
Qəbul zamanı vətəndaşların maliyyə xidmətləri ilə bağlı müraciətləri dinlənilərək zəruri izahatlar təqdim olunub. Həmçinin qəbul zamanı şifahi müraciətlərini ünvanlayan vətəndaşlardan zəruri məlumatlar əldə edilməklə müraciətləri üzrə araşdırma nəticəsi barədə əlavə məlumat veriləcəyi bildirilib.
Qeyd edək ki, maliyyə xidmətləri istehlakçılarının hüquqlarının müdafiəsinin məqsədilə səyyar qəbulların davamlı olaraq təşkil edilməsi nəzərdə tutulub.