Mərkəzi Bankda AYİB-in xəzinədarının rəhbərlik etdiyi nümayəndə heyəti ilə görüş keçirilmişdir

Mərkəzi Bankın sədri Taleh Kazımov dekabrın 14-də Avropa Yenidənqurma və İnkişaf Bankının (AYİB) xəzinədarı Axel van Nederveenin rəhbərlik etdiyi nümayəndə heyəti ilə görüşmüşdür.

Görüş zamanı AYİB-in Azərbaycandakı fəaliyyəti, Mərkəzi Bank və AYİB arasında əməkdaşlığın cari vəziyyəti və gələcək perspektivləri ilə bağlı məsələlər müzakirə edilmiş, yerli pul bazarları haqqında fikir mübadiləsi aparılmışdır.