Mark Zuckerberg-in şəxsi sərvətinin həcmi son 13 ayda 100 milyard dollar azalıb. Cümə axşamı isə onun şirkəti Meta-nın isə səhm qiymətləri kəskin şəkidə enib.
BBN.az Forbes-ə istinadən xəbər verir ki, Bloomberg-in Milyarderlər İndeksinə görə, Meta şirkətinin rəhbərinin real vaxtda sərvətinin həcmi 38.2 milyard dollardır. Nəticədə isə dünyanın ən zəngin insanları siyahısında TOP 20-dən kənarda qalıb.
2021-ci ilin sentyabrında isə Zuckerberg-in şəxsi sərvətinin həcmi ən yüksəyə çatıb və 142 milyard dollar olub.
Bundan sonra, Meta-nın səhm qiymətləri cümə axşamı 25% azalma da daxil olmaqla 67%-dən çox enib. Bu isə rüblük hesabatda kəskin azalma olduğundan dolayı baş verib. Cümə axşamı bir səhmin qiyməti 97.94 dollar olub, bu isə 2016-cı ildən bu yana ən aşağı nəticədir. Pik vaxtı isə Meta-nın 1 səhminin qiyməti 382 dollar idi.
