Martın 5-də keçirilən hərracın nəticələri açıqlandı

İqtisadiyyat Nazirliyi yanında Əmlak Məsələləri Dövlət Xidməti tərəfindən martın 5-də növbəti hərrac təşkil edilib. Hərracda 6 nəqliyyat vasitəsi satılıb.

Nəqliyyat vasitələri üzrə keçirilən hərrac rəqabətli olub. Belə ki, ilkin qiyməti 1000 manat olan QAZ-31105 markalı avtomobil 2620 manata satılıb.

Hərracda özəlləşdirilən əmlakların siyahısı ilə https://clck.ru/39EKj2 linki vasitəsilə tanış olmaq mümkündür.

Növbəti hərraclar 12 və 13 mart tarixlərində keçiriləcək. Hərraclara 85 nəqliyyat vasitəsi, “Aqrarkredit” Qapalı Səhmdar Cəmiyyəti Bank olmayan Kredit Təşkilatının balansında olan 20 daşınmaz əmlak çıxarılacaq.