“MasterCard” kiber-fintech innovasiyaları laboratoriyası istifadəyə verir

“MasterCard” şirkəti Roma mərkəzli “Enel X” şirkəti ilə tərəfdaşlıq çərçivəsində İsrailin Beer-Şeva şəhərində maliyyə texnologiyaları və kibertəhlükəsizlik üzrə innovasiyalar laboratoriyasını istifadəyə verəcək. Laboratoriyanın əsas məqsədi, startaplara dəstək olaraq maliyyə texnologiyaları və kibertəhlükəsizlik üzrə həllərin yaradılmasını həyata keçirməkdir. Laboratoriya 3 illik lisenziyaya malik olacaq. Laboratoriyanın yaradılması, əməliyyat xərcləri, eləcə də startaplara dəstək üçün ilkin olaraq 3.7 milyon dollar həcmində büdcə ayrılıb.

“Enel X” şirkətinin direktoru açıqlamasında, laboratoriyanın İsrail mərkəzli startaplara daha keyfiyyətli məhsulların bazara daha sıxlıqla çıxarılmasına böyük töhfəsi olacağını bildirib. Həmçinin, “MasterCard” şirkəti ilə tərəfdaşlığın İsrail startaplarının dünya bazarına çıxışını asanlaşdıracağı vurğulanıb.

Qeyd edək ki, “Enel X” şirkəti ilk innovasiya mərkəzini 2016-cı ildə İsrailin paytaxtı Təl-Əviv şəhərində açıb. Sözügedən mərkəz 35 yerli fintech şirkəti ilə çalışıb.