Microsoft və Alphabet-in gəlirləri artır

1

Aprel – iyun dövründə ABŞ-ın texnologiya şirkətləri Microsoft və Google-un ana şirkəti Alphabet-in gəlirləri artıb. Microsoft-un gəliri 8%, “Alphabet”in isə 7% artıb.

BBN.az xəbər verir ki, müvafiq olaraq, Microsoft-un gəlirləri aprel-iyun dövründə əvvəlki ilin eyni dövrü ilə müqayisədə 8% artaraq 56,2 milyard dollara çatıb. Microsoft 2022-ci ilin eyni dövründə 51,9 milyard dollar gəlir əldə edib.

Şirkətin xalis mənfəəti də eyni dövrdə 20% artaraq 20,1 milyard dollara çatıb. Ötən ilin eyni dövründə şirkətin xalis mənfəəti 16,7 milyard dollar olub.

Bundan əlavə, Alphabet-in ikinci rübdə gəliri 7% artıb. Google-un ana şirkəti Alphabet də 2023-cü ilin ikinci rübü üçün balans hesabatını açıqlayıb.

Müvafiq olaraq, Alphabet-in ilin ikinci rübündəki gəliri keçən ilin eyni dövrü ilə müqayisədə 7% artaraq 74,6 milyard dollara çatıb. Şirkətin 2022-ci ilin ikinci rübündə gəliri 69,7 milyard dollar olub.

Şirkətin xalis mənfəəti isə ikinci rübdə keçən ilin eyni dövrü ilə müqayisədə 15% artaraq 18,4 milyard dollara çatıb. Alphabet ötən ilin ikinci rübündə 16 milyard dollar xalis mənfəət əldə edib.