“Amerikanın Mərkəzi Bankının (FED) rəhbəri Jerome Powell gəlib deyə bilməz ki, “ümid edirəm ki, işsizlik səviyəsi 6% yüksəlsin. Bu siyasi cəhətdən cəlbedici səslənmir”.
BNN.az xəbər verir ki, bu sözləri milyarder, investor, “The Carlyle Group-CG”un rəhbəri David Rubenstein ötən həftə CNN Business nəşrinə deyib.
“O, tam olaraq bunu demir ki, ölkədə işsizlik səviyyəsi 4%, yaxud 5%, 6% yüksəlsə, inflyasiya bir qədər yavaşlayar”, – deyə milyarder sözlərinə əlavə edib.
Bildirək ki, FED rəsmiləri xəbərdarlıq edirlər ki, hazırda ABŞ-ın əmək bazarı çox güclüdür, bu isə yüksək yaşayış xərcləri deməkdir. Mərkəzi Bank inflyasiyanı yavaşlatmaq üçün onillik içində faiz dərəcələrini sürətlə artırmağa davam edir. Analitiklər isə xəbərdarlıq edirlər ki, əgər 2022-ci ildə olmasa, 2023 və 2024-cü illərdə ölkəni iqtisadi tənəzzül gözləyir.
2022-ci ilin iyulunda ABŞ-da işsizlik səviyəsi 3.5% olub, bu isə 1969-cu ildən bəri ən aşağı rəqəm idi. Avqustda isə işsizlik səviyyəsi 3.7%-ə yüksəlmişdi, bunun isə “sağlam səbəbləri” var idi. Belə ki, yüz minlərlə amerikalı aktiv şəkildə kənarda iş axtarmağa başlayıb.
