“Mir” kartları “Google Pay” ilə əlaqələndiriləcək

Rusiyanın milli ödəniş sxeması olan “Mir” yeni layihəyə başlayıb. Bu layihə əsasında, istehlakçıların öz “Mir” ödəniş kartlarını “Google Pay” hesabları ilə əlaqələndirməyə imkan tanınacaq. 26 oktyabr tarixində icrasına başlanılacaq layihəyə əsasən ilkin olaraq “VTB Bank”, “Moskva Kredit Bankı”, “Promsvyazbank”, “DOM.RF”, “Renaissance Credit”, “Home Credit” və “Poct Bank” hesabları “Google Pay” ilə əlaqələndirilə biləcək.

Rusiya Mərkəzi Bankı və Milli Kart Ödəniş Sistemi tərəfdaşlığı ilə 2015-ci ildə yaradılan “Mir” kartları xarici bazarda ilk olaraq 2018-ci ildə Belarus bazarına daxil olub. Hazırda, sözügedən kart sxeması Gürcüstan,Ermənistan,Türkiyə,Qazaxıstan,Qırğızıstan,Özbəkistan və Vyetnamda istifadədir.