“Azərbaycan Respublikasının 2022-2026-cı illərdə sosial-iqtisadi inkişaf Strategiyası”nda nəzərdə tutulmuş tədbirlərin tam, vaxtında və effektiv icrasının təmin edilməsi və aidiyyəti dövlət orqanlarının fəaliyyətinin əlaqələndirilməsi məqsədilə Nazirlər Kabinetinin müvafiq Sərəncamı ilə yaradılmış Makroiqtisadi dayanıqlılıq üzrə işçi qrupunun növbəti iclası keçirilib.
İşçi qrupunun sədri, Mərkəzi Bankın sədrinin birinci müavini Əliyar Məmmədyarov giriş nitqi ilə çıxış edərək Strategiya çərçivəsində “Daxili və xarici təsirlərə dayanıqlılıq məqsədi” üzrə əldə olunmuş nəticələr barədə məlumat verib, növbəti dövrlərdə də aidiyyəti tədbirlərin səmərəli icrası üçün bütün səylərin göstərilməsinin zəruri olduğunu vurğulayıb. Daha sonra, işçi qrupunun sədr müavini, İqtisadi İslahatların Təhlili və Kommunikasiya Mərkəzinin icraçı direktorunun müavini Ayaz Müseyibov təqdimatla çıxış edərək 2025-ci ilin ilk yarımili ərzində görülmüş işlər və əldə olunmuş nəticələr ilə bağlı ətraflı məlumat verib.
Ətraflı məlumat üçün: https://www.cbar.az/press-release-5262/view
#MərkəziBank
