Nağdlaşdırılan vəsait təyinatı üzrə xərclənmədiyi halda ödəmə mənbəyində vergiyə cəlb olunurmu?

Nağdlaşdırılan vəsaitin təyinatı üzrə xərclənmədiyi halda ödəmə mənbəyində vergiyə cəlb olunması məsələsinə aydınlıq gətirilib.

İqtisadiyyat Nazirliyi yanında Dövlət Vergi Xidmətindən BBN.az-a bildirilib ki, ödəmə mənbəyində verginin tutulması vaxtı və qaydası Vergi Məcəlləsinin 150-ci maddəsi ilə tənzimlənir.

Vergi Məcəlləsinin 150.1-ci maddəsində göstərilən şəxslər verginin tutulması və büdcəyə köçürülməsi üçün cavabdehdirlər.

Vergi məbləği tutulmursa və ya tutulmuş vergi büdcəyə köçürülmürsə, bu halda gəliri ödəyən hüquqi şəxslər və sahibkarlar tutulmamış və ya köçürülməmiş verginin məbləğini, həmçinin müvafiq faiz və sanksiyaları büdcəyə ödəməyə borcludurlar.