ABŞ və İran arasındakı sülh ümidləri ilə ötən gün darmadağın olan neft qiymətləri itkilərini geri qazanmağa başlayıb! Dünənki kəskin ucuzlaşmadan sonra “qara qızıl” bu gün səhər saatlarında cüzi artımla ticarət olunur.İnvestorlar sülh xəbərlərinin yaratdığı ilk şoku atlatmağa çalışaraq, bazarın real tələb-təklif balansına fokuslanıblar.
Analitiklər qeyd edir ki, hər nə qədər Vaşinqton və Tehran arasındakı razılaşma ehtimalı neftin bollaşacağı gözləntisini yaratsa da, bazar hələ də rəsmi imzaların atılmasını gözləyir. Qiymətlərin bir qədər stabilləşməsinə səbəb həm də treyderlərin “ucuzlaşmış” nefti toplamaq istəyidir. Lakin bir məsələ dəqiqdir: Yaxın Şərqdə sülh rüzgarı əsməyə davam etdikcə, neft bazarı hər an yeni bir eniş dalğasına hazır olmalıdır. Enerji nəhəngləri və böyük dövlətlər indi nəfəslərini dərərək növbəti diplomatik gedişi gözləyirlər!