Qlobal internet televiziya şəbəkəsi Netflix öz oyunlarını Kanada və Böyük Britaniyada televizor və kompüterlərdə sınaqdan keçirməyə başlayıb. Televiziya və kompüterlərdəki oyunlarını, eləcə də bu gün işlədiyi mobil telefonları özündə birləşdirən platformanın Netflix.com vasitəsilə PC və Mac kompüterlərini də əhatə edəcək şəkildə genişləndirilməsi planlaşdırılır.
BBN.az xəbər verir ki, 2021-ci ildə Neftlix’in satın aldığı ilk oyun studiyası olan Night School Studio-dan “Oxenfree” və Molehew’s Mining Adventure daxil olmaqla bu testlərin bir hissəsi olaraq ilk olaraq iki oyun təklif ediləcək. Oyun yönümlü işi ilə bağlı açıqlamalar verən Netflix, oyunlarının daha çox platformaya çıxması üçün sınaq prosesinə başladığını açıqladı.
Netflix tərəfindən dəstəklənən televiziya modelləri və cihazları arasında Amazon Fire TV, Chromecast-ı dəstəkləyən Google televizorları, LG televizorları, Nvidia Shield TV, Roku, Samsung-un smart televizorları və Walmart ONN daxildir. Netflix tərəfindən edilən açıqlamalara görə, gələcəkdə beta prosesinə daha çox model əlavə olunacaq.
Netflix, oyunları üçün təklif etdiyi televizor və kompüter dəstəyi ilə oyun bazarında daha sürətli böyüməyi hədəfləyir.
