Növbəti ay ardıcıl 5 gün qeyri-iş günü olacaq

Azərbaycanda iş və istirahət günlərinin yerləri dəyişdirilib.

BBN.az xəbər verir ki, Baş nazir Əli Əsədov bununla bağlı Qərar imzalayıb.

Qərara əsasən iş və istirahət günlərinin ardıcıllığını təmin etmək məqsədilə 2023-cü il 10 noyabr iş günü ilə 4 noyabr istirahət gününün yerləri dəyişdirilib. Beləliklə, noyabr ayında ardıcıl 5 gün – 8, 9, 10, 11 və 12 noyabr tarixləri qeyri-iş günü olacaq. Noyabrın 4-ü – şənbə günü isə rəsmi iş günüdür.

Əlavə edək ki, 8 Noyabr – Zəfər Günü, 9 Noyabr – Bayraq Günü kimi qeyd olunur.