Oktyabrda ABŞ əmək bazarına gözləniləndən daha az iş yeri əlavə edilib

Oktyabrda ABŞ əmək bazarına 150.000 iş yeri əlavə edilib və nəticədə iqtisadiyyat işçi etirazları və yüksək uçot faiz dərəcəsi fonunda zəifləyib.

BBN.az BBC Business nəşrinə istinadən xəbər verir ki, ötən ay ABŞ əmək bazarına gözləniləndən daha az iş yeri əlavə edilib. Oktyabrda işsizlik dərəcəsi sentyabrdakı 3.8%-dən 3.9%-ə yüksəlib.

Qeyd edək ki, ABŞ Mərkəzi Bankı (FED) ötən ildən başlayaraq uçot faiz dərəcəsini kəskin artırıb və səbəb isə iqtisadiyyatı zəiflətmək və qiymətləri stabilləşdirmək olub. Lakin bütün bunlara rəğmən ölkənin əmək bazarı çox güclü olub, bu isə inflyasiyanı aşağı salmaqda çətinlik yaradırdı.