Qlobal bazarlarda sular yenidən bulanır! İran və ABŞ arasındakı gərginliyin Hörmüz boğazında hərbi hərəkətliliyə çevrilməsi bu gün Asiya birjalarını qırmızı rəngə boyadı.
İnvestorlar təşviş içində riskli aktivlərdən qaçarkən, neft qiymətlərinin 115 dolları keçməsi inflyasiya qorxusunu pik həddə çatdırıb.
Yaponiya, Çin və Cənubi Koreyada bazarlar bayram səbəbindən bağlı olsa da, açıq olan birjalarda əsl “fırtına” qopub. Xüsusilə Honq-Konqun “Hang Seng” indeksi texnologiya səhmlərinin liderliyində ciddi itkilər yaşayır.
Digər tərəfdən, Avstraliya tərəfində də vəziyyət ürəkaçan deyil; ölkənin mərkəzi bankı (RBA) bu gün inflyasiya ilə mübarizə üçün bu il artıq üçüncü dəfə faiz artımına getməyə hazırlaşır. Bazar iştirakçıları 25 bəndlik artımı demək olar ki, qətiləşmiş hesab edir və bu gözlənti “ASX 200” indeksini son 11 sessiyanın ən aşağı səviyyələrinə sürükləyib. Həm geosiyasi risklər, həm də mərkəzi bankların sərt addımları investorların “təhlükəsiz liman” axtarışını sürətləndirir. İndi bütün gözlər bölgədən gələcək növbəti xəbərlərdə və RBA-nın verəcəyi kritik qərardadır.