PayPal “stablecoin” bazarına daxil olmağa çalışır

Amerikanın məşhur onlayn ödənişlər sistemindən biri olan PayPal özünün 435 milyon nəfərlik istifadəçisini 120 milyard dəyərindəki “stablecoin” (kriptovalyutadır, dəyəri isə digər stabil aktivlərdən asılıdır-red.) bazarına çəkməyə çalışır.  

BBN.az CNBC Fintech-ə istinadən xəbər verir ki, bu bazarda artıq Tether və USDC dominatlıq etməkdədir və şirkət çox rəqabətli bir bazara daxil olmağa cəhd edir.  

Qeyd edək ki, PayPal bazar ertəsi günü açıqlaması ilə dollar əsaslı PayPal USD ilə “stablecoin” bazarına daxil olmağa çalışan ilk böyük fintex şirkətlərindən biridir. PayPal-dan isə qeyd ediblər ki, onlar adıçəkilən bazara daxil olmaq üçün düzgün zamanı seçiblər və əmindirlər ki, rəqabətə tab gətirə biləcəklər: “Ən əsası bazardan pay almaq və müştərilərin dəyişən ehtiyaclarına cavab verməkdir”, – deyə onlayn ödənişlər sistemindən bildiriblər.