“Proaktiv sosial ödənişlər mexanizmi” layihəsi Böyük Britaniyada keçirilən müsabiqənin qalibi oldu

Əmək və Əhalinin Sosial Müdafiəsi Nazirliyinin “Proaktiv sosial ödənişlər mexanizmi” layihəsi daha bir beynəlxalq mükafata layiq görülüb.

Layihə Böyük Britaniyada keçirilən “Qlobal Biznes Texnologiyaları” müsabiqəsində texnologiya üzrə ekspertlərdən ibarət müstəqil münsiflər heyəti tərəfindən yüksək qiymətləndirilib.

Beləliklə, “Proaktiv sosial ödənişlər mexanizmi” layihəsi müsabiqənin “Dövlət sektorunda texnologiyaların ən yaxşı tətbiqi” kateqoriyası üzrə qalibi seçilib və “Qlobal Biznes Texnologiyaları 2024” mükafatına layiq görülüb.

https://vimeo.com/935778683/b2044f4c46

Müsabiqədə Azərbaycanla yanaşı, Böyük Britaniya, İspaniya, Sinqapur, ABŞ, Ukrayna və bir sıra digər ölkələrin İKT sahəsi üzrə fəaliyyət göstərən qurumları iştirak edib.