Basel Bank Nəzarəti Komitəsinin sədri xəbərdarlıq edib ki, qlobal maliyyə sistemində mövcud olan zəifliklər tənzimləyici boşluqlar fonunda daha da dərinləşə bilər. Onun sözlərinə görə, Basel III standartlarının tam və ardıcıl tətbiq edilməməsi beynəlxalq maliyyə sabitliyinə uzunmüddətli təhlükələr yaradır.
BBN.az xəbər verir ki, Basel Komitəsi 1974-cü ildə bank iflaslarından sonra yaradılıb və məqsəd maliyyə sabitliyini qorumaq üçün beynəlxalq əməkdaşlığı gücləndirmək olub. 2008-ci böhrandan sonra qəbul edilən Basel III qaydaları isə artıq əksər ölkələrdə tətbiq olunmağa başlayıb və bu, bank sektorunda davamlılığın artmasına mühüm töhfə verib.
Lakin komitənin rəsmiləri bildirirlər ki, proses ələ tam yekunlaşmayıb. Əgər standartlar qeyri-bərabər şəkildə tətbiq olunarsa, bu, tənzimləyici arbitrada (ölkələr arasında fərqli qaydaların yaratdığı boşluqlardan istifadə) risklərini artıraraq maliyyə sistemində yeni “çatların” üzə çıxmasına səbəb ola bilər.
Hazırda rəqəmsal maliyyə alətləri və bank olmayan maliyyə qurumlarının sürətli inkişafı fonunda bu risklər daha da aktuallaşır. Basel Komitəsi bütün ölkələri və maliyyə qurumlarını mövcud qaydaları tam şəkildə icra etməyə və yeni şərtlərə uyğun olaraq birlikdə hərəkət etməyə çağırır.
