0 
Kiçik və Orta Biznesin İnkişafı Agentliyinin (KOBİA) təşkilatçılığı, Reklamçılar Assosiasiyasının dəstəyi ilə Bakı şəhərində reklam sahəsində fəaliyyət göstərən sahibkarlarla görüş keçirilib.
Tədbirdə Dövlət Reklam Agentliyi və Antiinhisar və İstehlak Bazarına Nəzarət Dövlət Xidmətinin nümayəndələri də iştirak ediblər.
Görüşdə reklam sahəsi ilə bağlı məsələlər, bu sahədə fəaliyyət göstərən sahibkarların dövlətin biznes subyektlərinə dəstək mexanizmlərindən daha geniş yararlanması, eləcə də sahibkarları maraqlandıran digər məsələlər müzakirə edilib.
