Reuters-in neft bazarını araşdıran 1000-dən çox enerji mütəxəssisləri arasında apardığı araşdırmaya əsasən xam neftin dəyəri hazırkı qiymət aralığından olduqca yüksəkdir. Söhbət isə 2027-ci ilə qədər 1 barrelinə görə 90 dollardan gedir. Bazar ertəsi səhəri Brent xam neftinin qiyməti 1 barrelinə görə 85 dollardan aşağı ticarət edilirdi. Bildirək ki, 2023-cü il ilə bağlı proqnozlar isə 2022-ci ildə Rusiyanın Ukraynaya hücumundan öncəki rəqəmlərdən 4-10 dollar aralığında yüksəkdir.
Sorğuda iştirak edən mütəxəssislərin yarısı, hansı ki onlardan 22%-nin işləri birbaşa neft və qaz sektoru ilə bağlıdır belə proqnoz edirlər ki, 2023-cü ildə Brent xam neftinin qiyməti orta hesabla 1 barrelinə görə 80-95 dollar olacaq. Bloomberg-də olan son məlumata görə WTI xam neftinin 1 barrelinə görə qiyməti 0.52 dollar, yaxud 0.65% azalaraq 79.34 dollara ticarət edilir. Brent xam nefti isə 0.24 dollar, yaxud 0.28% yüksələrək 84.70 dollara satılır. Təbii qazın qiymətləri isə 0.31 dollar, yaxud 9.15% yüksələrək 3.73 dollara ticarət etməkdədir. 2023-cü ildə bütün analizləri nəzərə alaraq isə xam neftin qiyməti ilə bağlı proqnoz isə onu göstərir ki, Brent-in qiyməti orta hesabla 1 barrelinə görə 87 dollar olacaq.
