“Yeni “clawback” mexanizmi bank menecerlərinin maliyyə sabitliyinə marağını artırmağı hədəfləyir
Rusiya Mərkəzi Bankı (MB) bank menecerlərinin məsuliyyətini artırmaq üçün yeni mexanizm tətbiq etməyi planlaşdırır. Söhbət “clawback” adlı qaydadan gedir. Bu mexanizm çərçivəsində bankın maliyyə vəziyyəti pisləşərsə, təkcə gələcək bonusların ödənilməsi dayandırılmayacaq, hətta əvvəllər verilmiş mükafatların da geri qaytarılması tələb olunacaq.
Mərkəzi Bankın kredit təşkilatlarının tənzimlənməsi və nəzarəti ilə bağlı hesabatında qeyd olunur ki, bu addım menecerlərin bankların maliyyə sabitliyinin qorunmasına marağını gücləndirməlidir. Xatırladaq ki, 2022-ci ildə Qərb sanksiyalarından sonra sektora bəzi güzəştlər edilmişdi: 2028-ci ilə qədər kapital və sistem əhəmiyyəti üzrə tam normativlər tətbiq olunmur. Banklar həmin tələbləri pozduqda əsas sanksiya dividend və bonus ödənişlərinin qadağan edilməsi idi.
Hazırda isə qaydaların sərtləşdirilməsi gündəmdədir. Yeni mexanizm qüvvəyə minərsə, bank rəhbərləri yalnız təşkilat iflas elan olunduqda deyil, həm də maliyyə sabitliyi pozulduqda əvvəlki bonuslarını geri qaytarmaq riski ilə üzləşəcəklər. Bu, həm səhmdarların, həm də idarəçilərin məsuliyyətini artıracaq.
Mənbə: RBC
