0 
Kiçik və Orta Biznesin İnkişafı Agentliyində (KOBİA) növbəti vətəndaş qəbulu keçirilib. Qəbul zamanı vətəndaşların sahibkarlıq fəaliyyətinə dair müraciətləri dinlənilib, ehtiyacları olan dəstək tədbirləri və qarşılaşdıqları məsələlərin həlli ilə bağlı müzakirələr aparılıb.
Qəbul çərçivəsində vətəndaşlara sahibkarlıq fəaliyyəti ilə bağlı qanunvericiliyin tələbləri və dövlət dəstəyi mexanizmləri barədə məlumat verilib, sualları cavablandırılıb. Vətəndaşların diqqətinə çatdırılıb ki, qəbul zamanı qaldırılan və araşdırma tələb edən məsələlərə Agentliyin səlahiyyətləri çərçivəsində müvafiq qurumlarla birgə baxılacaq, həlli istiqamətində tədbirlər görülərək sahibkarlara bu barədə məlumat veriləcəkdir.
