Simulyasiyalar əsasında əməliyyat-taktiki təlim keçirilib

Fevralın 27-də Dövlət Gömrük Komitəsinin Akademiyasında müasir texniki nəzarət vasitələri ilə təmin edilmiş laboratoriyada gömrük orqanlarının vəzifəli şəxslərinin ixtisasartırma təlimlərinə cəlb edilmiş əməkdaşlarına təlim keçirilib. Təlim gömrük nəzarətinin formalarının tətbiqi ilə bağlı, reallığa maksimal dərəcədə yaxın olan şəraitdə gömrük orqanlarının fəaliyyətində rast gəlinən faktlar üzrə müxtəlif simulyasiyalar əsasında əməliyyat-taktiki səciyyə daşıyan işgüzar oyunlar formasında təşkil olunub.

İşgüzar oyunlarda ixtisasartırma təlimlərinə cəlb edilmiş əməkdaşların gömrük işi sahəsində hüquqpozmalara qarşı mübarizənin elmi-nəzəri, qanunvericilik əsasları, təcrübi məsələləri ilə bağlı bilikləri, həmçinin peşə vərdiş və bacarıqları yoxlanılıb, adı çəkilən istiqamətlərdə onlara zəruri tövsiyələr verilib.

Simulyasiyalar əsasında əməliyyat-taktiki səciyyə daşıyan işgüzar oyunlar formasında təlimi Dövlət Gömrük Komitəsinin Kinoloji Mərkəzi ilə birgə Akademiyanın “İxtisas fənləri” kafedrası təşkil edib.