4 
Mərkəzi Bankın sədri Taleh Kazımov noyabrın 3-də Azərbaycan Fintex Assosiasiyasının nümayəndələri ilə növbəti görüş keçirmişdir.
Görüşdə Mərkəzi Bankın ödəniş xidmətləri bazarının inkişafı istiqamətində apardığı islahatlar, eləcə də fintex ekosistemində təmsil olunan təşkilatlarla digər maliyyə institutları arasında əlaqələrin inkişafı məsələləri müzakirə edilmişdir. Fintexlərin ödəniş bazarında rolunun gücləndirilməsi, yeni ödəniş həllərinin tətbiqi və rəqəmsal ödənişlərin genişləndirilməsi istiqamətində danışılmışdır. Həmçinin fintex sektorunun cari vəziyyəti və perspektivləri ətrafında fikir mübadiləsi aparılmışdır.
