Taleh Kazımov ikinci “Yüksəliş” müsabiqəsinin qalibi Fərid İsayev ilə növbəti dəfə görüşüb

Mərkəzi Bankın sədri Taleh Kazımov ikinci “Yüksəliş” müsabiqəsinin qalibi Fərid İsayev ilə Mentorluq proqramı çərçivəsində növbəti dəfə görüş keçirib. Görüş zamanı Mərkəzi Bank tərəfindən ölkədə makroiqtisadi və maliyyə sabitliyinin təmin olunması, maliyyə sektorunun iqtisadiyyatda rolunun artırılması istiqamətində görülən işlərə dair fikir mübadiləsi aparılıb. Görüşdə həmçinin müsabiqə qalibi üçün hazırlanmış fərdi inkişaf proqramı əsasında Mərkəzi Bankın həyata keçirəcəyi fəaliyyətlərdə və layihələrdə iştirak perspektivləri müzakirə edilib.

Qeyd edək ki, Mərkəzi Bankın sədri Taleh Kazımov ikinci “Yüksəliş” müsabiqəsinin Mentorluq proqramı çərçivəsində Fərid İsayevin mentorudur.