0

ABŞ-nin ən böyük şirkətlərindən biri olan Teslanın səhmləri kəskin ucuzlaşıb.

BBN.az bu CNBC məlumatına istinadən xəbər verir.

Məlumata görə, şirkətin səhmləri ABŞ-də premarket ticarətində 5,45% ucuzlaşıb. Bundan əvvəl, çərşənbə günü, dekabrın 18-də səhmlər artıq 8 % azalmışdı. Bildirilir ki, bu, “Tesla” üçün noyabrda keçirilən prezident seçkilərində respublikaçı Donald Trampın qələbəsindən sonra ən pis gün olub.

Dekabrın 19-da keçirilən əsas ticarətin nəticələrinə görə, elektromobil istehsalçısının səhmləri 436,17 dollara (-0,9%) düşüb.

Qeyd olunub ki, azalma investorların son aylarda sürətli artımdan qazanc əldə etməsi ilə bağlıdır.